منتديات الموجة
  

     
   
 

منتديات الموجة القبطية
 المقالات المنشورة تعبر عن أراء أصحابها وليس بالضرورة رأى الموجة القبطية

قلم على وش الاخبار

-1- حاضنيين الناس..!!
= الغازية لازم تنزل .. شعار الاخوان فى المرحلة القادمة .. جماعة احترفت الرقص وانكشفت مع اول هزة .. فى وسط .. البلد طبعا ..
= قال صفوت الشريف مفيش على راسنا بطحة واحنا حاضنين الشعب .. يا حنين .. لا بجد حاضنين الشعب .. ولا راقدين على الشعب .. طيب اهه الشعب فقس وطلع من البيضة .. واليوم 5 فبراير يرحل الشريف واقول بعض الاسماء ليست على مسمى ..
= كلما سألوا مسئول مصرى عن المظاهرات التى كانت تخرج كل جمعة على ابواب الجوامع ضد الكنيسة والبابا .. قال المسئول دى حرية راى وتعبير ولن نتحرك حتى تتحول المظاهرات الى العنف .


د . ياسر يوسف غبريال

5 فبراير 2011

. وتعدت المظاهرات العشرين مظاهرة وكان لها دور فى تفجيرات الاسكندرية .. ولكن كله يهون فى سبيل حرية الرأى وعندما رأيت ماحدث فى مظاهرات الشعب المصرى الاخيرة من تقطيع وحرق وتلطيخ صور الكبار فى البلد قلت الله مش مهم اكيد الباشوات مش هيزعلوا .. مش حرية رأى .. هذه ليست شماتة ولكنها ملاحظة لابد منها .. ولابد من يوم معلوم تترد فيه المظالم .. ابيض على كل مظلوم مضروب بالجزمة كل ظالم ..

= زعل الاقباط جدا لما كتبوا فى الصحف القومية والمستقلة ان ابانوب ضحية وان ايمن حامدضحية .. وقال الاقباط يعنى المسيحى قتيل والمسلم شهيد .. طيب ليه وبامارة ايه .. ايام قليلة يا مؤمنين وكتبت جريدة الاهرام فى اول الاحداث الاخيرة : استشهاد مجند ومصرع شابين .. يعنى المجند شهيد والمتظاهرين صرعى .. شوفتوا بقى كلمة صريع دى تقيلة ازاى ..

=اللى يربى تعبان فى حجره لما يدفا يهبشه ده ينطبق على سليم العوا ..هذا ابن العوا اللى كان بيهاجم الاقباط من على قناة الجزيرة ..وقال ان الاقباط يخزنزن الاسلحة استعدادا لحرب على المسلمين
يعنى تحريض سافر وكان عاوز يعمل حرب ومصر لم تتحرك خالص ..ودلوقت بقى واضح ان ده جزء من مخطط حرق مصر ..الجزيرة والعوا وايران ضالعة فيه ..انكشف وجه العوا الارهابى ..وبان انه يتحرك طبقا لاجندة اخوانية ايرانية ..اليوم يواصل تحريضه وفتنته
حاكموا هذا الرجل يا ناس
الرجل على الجزيرة بيقول ...الاحزاب خونة ..وانهم عملاء للسلطة
وان التفاوض مع ميدان التحرير ..اللى تحت سيطرة الاخوان
ثم يقول العوا
اذا لم يتنحى الريس حتى الثامنة فانهم سيطالبوا بمطالب جديدة
تقريبا عاوز طبق كشرى
او مدفع رشاش
العوا نسى نفسه ولا ايه
غالبا قابض كويس
وحد قاله هتكون وزير الارهاب فى الحكومة الاخوانية الايرانية الجديدة
شوفتوا بقى مين اللى ركب ثورة الشباب
بعينك يا عواااا
= خبر غير مؤكد مبارك يستقيل من موقعه كرئيس للحزب الوطنى
ممكن الاعلام يقول مبارك يستقيل وبس
اعتقد ان الشعب االلى فى التحرير هيسمع كلمة يستقيل
ويستقل المترو على بيتهم ونرتاح
نسبة كبيرة مغيبة من اللى هناك
= دى بداية سلسلة لمقالات قصيرة بنفس الاسلوب ونفس العنوان الرئيسى .. اشكركم

د . ياسر يوسف غبريال
 

Visitor Comments

 

 

 

 

 

 

   All rights reserved Coptic Wave Web www.copticwave.org
Copyrights@ Coptic Wave 2005-2016 Coptic Orthodox Church Egypt