منتديات الموجة
  

     
   
 

منتديات الموجة القبطية
 المقالات المنشورة تعبر عن أراء أصحابها وليس بالضرورة رأى الموجة القبطية

ما تقفليش القبر يا مه !!

( معلش الجرح كان صعب المرة دى .. بس واثقين ان التعزية هتكون اكبر)

ما تقفليش القبر يامه
لسه فيه شهيد
عطشان القبر يامه
لدم قبطى جديد
جوة القبر ضلمة
وصوت بيصرخ ليله العيد


د . ياسر يوسف غبريال

14 يناير 2011

متقفليش القبر يامه
ضاق القبر من اللمة
وعلى بابه قضبان حديد
بردان جوة يامه
والنور بعيد بعيد
متنسيش العيدية يامه
واللبس الجديد
لما تيجى تزورينى
يا ترى هتعرفينى
ولا اتغيرت ملامحى
لمى الباقى من جسمى
وطبطبى على جرحى
وازرعيلى شجرة صبار
وارويها من دمعك
تضلل عليا من شمس النهار
واوعى تنزلينى من ع الصليب
مرتاح هناك يا مه
ومتونس بجراح الحبيب


متقفليش القبر يا مه
و ليه تقفليه ؟
انا مش فيه
دا المسيح قام
وشالنى بين ايديه
مسحى دمى
وداوى همى
ونقشنى فى عينيه
 

ما تقفليش القبر يامه
انا مش فيه

د . ياسر يوسف غبريال
 

Visitor Comments

 

 

 

 

 

 

   All rights reserved Coptic Wave Web www.copticwave.org
Copyrights@ Coptic Wave 2005-2016 Coptic Orthodox Church Egypt