منتديات الموجة
  

     
   
 

منتديات الموجة القبطية
 المقالات المنشورة تعبر عن أراء أصحابها وليس بالضرورة رأى الموجة القبطية

أفراح زمـــــــان

أيام الزمن الجميل ..أيام النسمه الحلوه والليل الطويل
أيام ماكان حلاوة النيل ألف ميل
أيام العز والحب والنغم الأصيل
أيام ما كنا نهتف كُلنا باسم مصر
نهتف نقول من قلوبنا تحيا مصر
واتغير الزمان واتعتم الفجر وبقى من الضلمه عصر
والليل كتم على نفسنا وبقى كابوس وخوف وقهر
وسكن الكبير فى أحلى وأغلى قصر
وكل واحد من حاشيته واتباعه له قصر
أيوه مش فخم زى بيت الكبير لكنه قصر

الفنان شفيق بطرس
  31 يوليو 2010
والشعب نايم فى كوم زباله
جعان وجاهل وحالته حاله
وكل يوم يرموا وسطه سيف تعصب سيف نداله
سيف يخلى العيشه بين حسن ومرقص إستحاله
ياكلوا بعض لأجل ماينسوا اللى بيأكلهم نُخاله
والنار توهوج كل لحظه وتقوم حرايق فى النفوس
وتقوم معارك وترتفع سيوف وسِنَج وفؤوس
النهارده أشهر إسلامه إبن خالى فلتاؤوس
وشاب مسلم خطف ماريه بنت عم فانوس
تجرى الناس تشتكى ، ترفع قواضى وتضيع فلوس
تطلع ماريه متأسلمه متحجبه ونطاطى احنا الرؤوس
يطفش من الخزى أمها وأخوها
ويموت من الحسرة المسكين أبوها
وتضيع حقيقة قضيتها زى آلآف سبقوها
الأمن ينهى قصتها وبالقانون يدهمكوها
راحت الصبيه برضاها ولا بالعار أرغموها
قصص وليها مليون سبب والنهايه أسلموها
ضاعت ماريه زى مصر من زمان أغتصبوها
رفعوا عليها السيف، رايه وشعار وغيروها
من ألف واربعميت سنه والبدو غزوها
أصحوا ياولاد الفراعنه أمسحو عارها وانقذوها

الفنان شفيق بطرس


 

Visitor Comments

 

 

 

 

 

 

   All rights reserved Coptic Wave Web www.copticwave.org
Copyrights@ Coptic Wave 2005-2016 Coptic Orthodox Church Egypt