منتديات الموجة
  

     
   
 

منتديات الموجة القبطية
 المقالات المنشورة تعبر عن أراء أصحابها وليس بالضرورة رأى الموجة القبطية

شايل الصــــليب

شايل الصــــليب

(الى قداسة البابا شنودة الثالث .. دعما وحبا وتقديرا )

 

  
ارشيدياكون
خيري ادوارد رزق
  10 يونيو 2010

شايل الصــــليب

 (الى قداسة البابا شنودة الثالث .. دعما وحبا وتقديرا )              

شايل الصليب

والصليب شايله

حنين وطيب

متعدش فضايله

دا حتى اكليل الشوك

على راسه بيحايله

لكن عند الحق

لو مين ..

 ما يعرفش يجامله

++++++++++++++++++++++++++

رقيق زى النسيم

وراسخ كما النيل

ولا عمره يميل

مع الهوى .. ان مال

ولا يخاف السنين

وللسنين اهوال

ولما تهب الريح

يمسك فى توب المسيح

ويشتد عوده وينفرد

ومرقس من جديد بيتولد

والضلمة تهرب بعيد

بعيد

ويرجع تانى زى النسيم

رقيق صحيح

بس راسخ كما النيل

يمكن جريح

لكن مسنود على الانجيل

واللى سانده المسيح

هيخاف من عتمة الليل ؟؟

++++++++++++++++++++++++++

عمال يا ابويا فى الوطن تحايل

وتقول معلش

يمكن ينعدل المايل

 والناس تبطل غش

قلبك ابيض

وقلوبهم بالف وش

الحق بيك فرحان و خايل

والزيف بيكش ..

++++++++++++++++++++++++++

مفيش طلاق غير لعلة

مش لاى زله

واللى يحكم

يحكم بالعدل

وشروط الملة

غيرك يا قاضى حكم وظلم

والبابا فى الدير اتسجن

رجع البابا

والتانى ولى ..

دا القبطى يموت بكرامته

ولا يعيش بمذلة

هو انتى يا مصر بلدى ولا

سرقوكى ولاد الحرام

   باعوكى بالكيلو والجرام  

وبقيتى اعلان فى مجلة

ابيض واسود والوان

اقرا واتسلى

++++++++++++++++++++++++++

ياما دقت على الراس طبول

ولساك يا ابوى شيال حمول

وايام بالعرض عدت

وليال بالطول

والمشاكل عمرها ماهزت

اللى دايما يقول

ربنا موجود

والسفينة مسيرها للوصول

بنحبك وانت ساكت

وبنحبك لما تقول

لما تكلم السما

وتستجيب على طول

كلام البشر يا ابويا فانى

وكلام الرب لايزول

 

د . ياسر يوسف غبريال

Visitor Comments

 

 

 

 

 

 

   All rights reserved Coptic Wave Web www.copticwave.org
Copyrights@ Coptic Wave 2005-2016 Coptic Orthodox Church Egypt