منتديات الموجة
  

     
   
 

منتديات الموجة القبطية
 المقالات المنشورة تعبر عن أراء أصحابها وليس بالضرورة رأى الموجة القبطية

عــز قال للغـــول ..!!

( تحية خاصة بمناسبة زيارة احمد عز للغول
مما اسعد الغول وجعله يستقبل عز بالطبل البلدى والمزمار البلدى واللحم البلدى
ولا عزاء لابناء بلدى )
 
د . ياسر يوسف غبريال
  24  أبريل2010
 عز قال للغول يا غولى
رد الغول وقال انا غول صغير
بس عند قولى
لانى متربى فى عزو
والكرسى من تحتى ماحد يهزه
لا دم
ولاهم
ولا واحد شيطانه يوزه
............................................
عز قال للغول اوعى تفتكر انك فاشل
رد الغول وقال قطعية ماحدش بياكلها
بالساهل
الشتا عدى
والصيف بنقضيه فى الساحل
والشباب مات وراح
وانا مش راحل
............................................
عز قال للغول الناس بيلمونى
على حبك يا نور عيونى
رد الغول وقال خليهم يكلمونى
واللى يفتح بقــه
هابعتله الكمونى ..
............................................
عز قال للغول بالطبل تلاقينى
رد الغول وقال فرحان يا نن عينى
كل نقرة تطلعنى منها
وتعدينى
واسال جورجيت قلينى
............................................
عز قال للغول ما تخافشى
رد الغول وقال القاضى ما يحكمشى
انا قاعد والزمن بيمشى
اصل دى مش بلد
دى حلة محشى
............................................
عز قال للغول ما تزعلشى
رد الغول وقال اللى حصل ما يزعلشى
ستة او سبعة يموتوا وعاوزنا ما نضحكشى
اصل دى مش بلد
ودول مش بنى ادمين
دول اكياس طرشى
............................................
عز قال للغول ما تقلقشى
رد الغول وقال الغول ما يقلقشى
ياما دقت على روس الناس طبولى
ولا حد قالشى
وايه اللى حصل يعنى
هنا بلدى
وهنا نجع حمادى
و هنا كشحى
............................................
عز قال للغول تعال هنا جنبى
رد الغول وقال العفو ياللى
خليت حياتى بمبى
غسلت عارى
وداريت ذنبى
يسيح دم الشعب يا باشا
ولا تنزل نقطة من دمك
او دمى ..


د . ياسر يوسف غبريال

Visitor Comments

 

 

 

 

 

 

   All rights reserved Coptic Wave Web www.copticwave.org
Copyrights@ Coptic Wave 2005-2016 Coptic Orthodox Church Egypt